ISKANDAR PUTERI, Sept 8: Bala lecturer ba Institusi Pelajar Tinggi (IPT) di menua tu meseti ngubah proses ngajar enggau belajar (PdP) seriris enggau Revolusi Industri 4.0 (IR4.0) ngambi ulih ngadaka pengereja pengawa ti setipak enggau peneka industri.
Ketua Direktor Opis Menteri Pelajar Tinggi, Datin Paduka Dr Siti Hamisah Tapsir, madahka PdP IR4.0 ukai nya meseti bepanggai ba teknologi aja tauka ngena teknologi ke tinggi, tang lebih ngagai kreativiti enggau inovasi lecture ngenataika pemadah nya.
“Kita patut ngajar nembiak kita ngambika sida mudah nelebaka diri enggau ubah ngelingi(ari sukut teknologi) sida sereta nemu bakani guna sesebengkah pekara nya.
Pemereti ke dalam mega manru sida ngajar sereta ngenataika pemadah ngagai orang bukai, nyadi pengawa belajar sepemanjai idup nya beguna kelebih agi dalam IR4.0,” ku iya.
Iya bejaku munyi nya ngagai pemberita pengudah bejadi program Aum Pelajar EduCity 2018 ke diatur Newcastle University Medicine Malaysia, University of Southampton Malaysia enggau University of Reading Malaysia, ditu kemari. — DayakDaily
