SEBUYAU, Jun 11: Tujuh buah jematan deka digaga meraka tujuh batang sungai di serata Sarawak ke lalu nyadi komitmen Perinrah Negeri Sarawak ngemansangka jalai tebing pantai.
Menteri Muda Jalai Tebing Pantai, Datuk Julaihi Narawi madah, enti tembu ila dalam timpuh lapan taun, jalai nya deka meri pangka ari sukut pemansang ke besai di kandang menua pesisir, kelebih agi tebing pantai.
“Tu nunjukka kami siru enggau peneka rayat.
“Perambu udah digaga enggau silik lalu diatu maya ngaga,” ku iya nyemetak.
Entara projek besai nya nyengkaum Jematan Batang Lupar ti beguna ungkus RM1 bilion, ke pemun iya diperambu 50 peratus dipelanja Perintah Besai lalu 50 peratus Perintah Negeri.
Jematan bukai ke benung dalam proses iya nya Jematan Igan enggau Jematan Batang Lassa.
“Pengawa ngaga jalai tu beguna amai laban bisi penambah oenyampau entukar di kandang tebing pantai kelimpah penyampau tubuh peranak ke majak nambah,” ku iya lebuh dikerandau di Kampung Sempat, Sebuyau ensana.
Pengawa ngaga semua jematan nya ku iya, udah dilanggur pengudah Perintah Negeri beratika silik pekara nya.
Dua jematan ke meri pangka besai ba jalai tebing pantai tu udah tembu digaga iya nya Jematan Batang Sadong enggau Jematan Samarahan. — DayakDaily
