Timpuh riman siku manijer enggau luyar bekaul kes projek hibrid solar dilanjar

Arrest - DayakDaily.com file pic. // Photo: Pixabay

PUTRAJAYA, Julai 2: Timpuh riman dua lelaki nyengkaum siku managing direktor sebuah kompeni ke bepangkalan di Bintulu dilanjar lima hari agi ngambika mantu nasat kes ngelimpang meri kontrak projek hibrid solar ngagai 369 sekula di menua pesisir di Sarawak.

Majistret Shah Wira Abdul Halim ngelanjarka timpuh riman managing direktor nya berumur 59 taun enggau luyar ke beumur 30 taun nya berengkah ari pagila nyentuk ke Hari Enam ngambika mantu Opis Nagang Makai Suap Malaysia (SPRM) ngaga tasat.

Sebedau tu, kedua-dua lelaki lelaki ke bebaju lokap SPRM nya digelang datai ba laman kort jam 9.30 pagi.

Kes nya ditasat ari baruh Seksyen 18 (a) Akta SPRM 2009 ketega ngag tuntut palesu.

Nyentuk ke diatu, tiga individu udah ditan riman SPRM ngambika mantu nasat kes nya. — DayakDaily