PUTRAJAYA, Julai 13: Siku ex-pegawai khas menteri besai, Datuk Seri Najib Tun Razak diriman empat hari kenyau ari Hari Dua laban mantu nasat ke ngelimpang masang panel kuasa solar sekula di Sarawak.
Direktor Nasat Suruhanjaya Nagang Makai Suap Malaysia (SPRM), Datuk Simi Abdul Ghani lebuh dikerandau kemari, ngenukuka pekara bekaul ngetan individu ke beumur 44 taun nya.
Ku iya, individu nya ditan Hari Satu tu tadi dikangau ngagai Indu Opis SPRM ditu ngambika meri penerang.
Sebedau tu sebuah portal berita madahka ex-ketuau tetinghi menua nya nyain projek ke beungkus RM1.25 bilion ngambika masang panel kuasa solar di 369 sekula di Sarawak.
Pengawa ngaga projek nya dipeda enda nitihka proses selama ti ditetap Opis Menteri Pelajar ngambika tinda projek nya enda diberi nengah chara tebuka, tang diserah terus ngagai kompeni nyuwa kerita di Bintulu. — DayakDaily
