MIRI, Jun 23: Polis ngetanka tiga suspek kes nangkap sereta ngelalai siku lelaki enua tu di sebuah premis dagang di Coco Cabana, Marina Bay kena 11.30 malam Hari Empat tu tadi.
Kepala Polis Miri ACP Lim Meng Seah madahka tiga lelaki menua tu nya berumur 36, 39 enggau 46 taun nya, udah ditan kena Hari Lima ke alai dua ari nya ditan pukul 3 pagi lalu siku agi pukul 3 lemai.
“Pengaji lelaki ke ditangkap sereta ditan nya udah ngaga ripot polis kena Hari Empat ti madahka udah dibai chara ari alai iya ke bekereja,” ku iya ba penerang sehari tu tadi.
Ku Lim, polis lalu berumban ngaga operasi serwta mujur nemu lelaki ke ditangkap sereta dilalai nya ke beumur 36 taun ke gawa nnyadi juruteknik sistem bunyi ti ditinggal ba mua siti palan bebeli barang ditu sereta selamat.
“Pansik tumu tetemuka kebuah iya ditangkap sereta dilalai ketegal ex- pengaji iya nuduh iya mgelimpang duit serikat sebedau iya ngetu gawangambika gawa enggau pengaji ke baru,” ku iya. — DayakDaily
