Tepulai ngagai Menteri Besai sekalika aku agi dichalun tauka enda — Entulu

Datuk Joseph Entulu. - file pic

SIBU, Mac 3: Menteri Ba Opis Menteri Besai, Datuk Joseph Entulu Belaun ngelempaika nasit diri ba Menteri Besai, Datuk Seri Najib Razak ba Pengawa Bepiliha Besai (PRU) ke deka datai tu ila.

Kaban Parlimen Selangau tiga penggal nya, madah munyi nya ngagai pemberita lebuh ke ditanya sekalika iya dichalun baru ba PRU14.

“Sekalika aku dipilih nyadi chalun, aku nyerah ngagai Menteri Besai,” ku iya seraya madahka diri arap endar agi dichalun baru.

Iya bejaku munyi nya pengudah bejadi Majlis Penutupan Program Kepimpinan Akar Umbi Tahun 2018 di Kolej Kejurawatan Sibu, ensana.

Presiden Parti Rakyat Sarawak (PRS) Tan Sri James Jemut Masing sebedau tu madah, Entulu enda dichalun baru ba PRU14.

Taja pia, Presiden Gerempung Penanam Sawit Dayak, Rita Insol, diberita nyilih penuduk iya kelimpah ari siku agi D.O ba sitak nya.

Siku agi chalun dipelaba deka ditingkilka iya Kaban Parlimen Lubok Antu, Datuk William Nyallau Badak. — DayakDaily