KOTA SAMARAHAN, Okt 22: Yang di-Pertua Negeri Sarawak Tun Pehin Sri Abdul Taib Mahmud enggau bini iya, Toh Puan Datuk Patinggi Raghad Kurdi Taib malam tadi udah datai meda Konsert Ibu Pertiwiku di Arena Gemilang DeTar Putra, Universiti Malaysia Sarawak (Unimas) ditu.
Sama bisi Kepala Menteri, Datuk Patinggi Abang Johari Tun Openg enggau bini iya sereta Menteri Komunikasi enggau Multimedia, Datuk Seri Dr Salleh Said Keruak.
Konsert nya diatur beserimbai enggau Hari Pengada TYT ke-81 ti mega nyadi kelai pengaga ati ngagai pemanah pengawa ke dah dikereja iya sereta beserimbai ngintu Jubli Perak Unimas.
Konsert nya ngempung artis-artis baru enggau lama ti bela bisi nyadaka lagu-lagu popular Niang Tan Sri P. Ramlee, lagu-lagu klasik Sarawak enggau lagu-lagu baru diatu nyengkaum lagu antarabangsa.
Artis-artis tebilang menua ti mgemujurka konsert baka Dayang Nurfaezah, Hafiz Suip, Noraniza Idris, Dewi Liana Seriestha enggau Datuk Sarbanun Merican ke diiring Orkestra RTM begempung enggau pemuzik RTM Angkasapuri seteta RTM Sarawak.
Konsert nya mega diatur RTM begulai enggau perintah negeri sereta Unimas. — DayakDaily
