KUCHING, Julai 2: Parti Rakyat Bersatu Sarawak (SUPP) agi nganti padah baru bekaul akaun parti nya ke dibeku Opis Nagang Makai Suap Malaysia (SPRM).
Presiden SUPP Datuk Dr Sim Kui Hian madah, naka ke diatu parti nya semina dipadah SPRM ke alai akaun parti nya udah dibeku.
Iya madah munyi nya ngagai pemberita pengudah nyuaka chek ngagai 32 serakul ba kandang Kuching ditu kemari.
Dulu ari nya, Dr Sim ba sebengkah penerang ngamatka akaun bank parti nya udah dibeku pengelama tiga bulan ngambika dipansik SPRM. — DayakDaily
