PUTRAJAYA, Jun 11: Opis Nagang Makai Suap Malaysia (SPRM) nyemetak madahka udah naga tasat tumu ba isu projek mekal sereta masang panel kuasa solar ba 369 buah sekula di Sarawak nguna ungkus RM1.25 bilion, sereta ningkah ripot ti madahka nadai atur diambi.
SPRM ba sebengkah sehari tu madahka opis nya udah ngabi atur ke proaktif nengah tasat tumu ba isu pun bulan April tu tadi empai Pengawa Bepilih Besai Besai ke-14 pengudah nerima pemadah ari mensia mayuh.
SPRM mega udah ngambi beberapa dokumen bekaul ari Opis Menteri Pelajar nitihka undang-undang ke udah ditetap nitihka Akta SPRM 2009, ku iya.
“Serambau enggau nya, SPRM deka mansik dokumen-dokumen ke udah diambi nya sekalika bisi gaya makai suap lalu minta mensia mayuh anang jampat ringat dataika SPRM tembu nasat isu nya,” ku iya.
Sebedau tu, sebuah portal berita madahka ex- ketuai tetinggi menua udah nyain projek ke beungkus RM1.25 bilion masang panel kuasa solar di 369 sekula di Sarawak.
Pengawa ngaga projek nya dipadahka ngelui ari proses biasa ke ditetapka Opis Menteri Pelajar awakka tinda projek nya enda diberi sechara tebuka, tang diserahka terus ngagai serikat nyuwa kerita di Bintulu. — DayakDaily
