MBM udah milih kontraktor ngaga projek Waterfront Miri

A new set of SOPs have been issued for Sarawak. File photo for illustration purposes

MIRI, Jun 11: Kontraktor ungkup projek Miri Waterfront ke beungkus RM5 juta udah dipilih nengah prosedur tinda tebuka nengah tinda ke pemadu baruh diterima Majlis Bandaraya Miri (MBM).

Sekretari MBM, Morshidi Fredrick madah ungkus ke bendar projek iya nya RM3,800,460.14 ke nyengkaum tiga komponen besai belanja baka ungkus ngaga, bayar konsultan enggau pemeri puku ngagai servis utiliti baka bekal elektrik enggau ai ke perambu nyedia servis online.

“Rega kontrak (rega tinda) ungkup pengawa ngaga iya nya RM3,222,317.75, sereta agi bisi laluh RM1,19,539.86 ari agih belanja ke diberi perintah negeri ti tau dikena kereja bekaul enggau projek, ” ku iya dalam penerang ditu sehari tu.

Ku iya, MBM udah diungkupka belnaja pemansang khas sepenyampau RM10 juta ari perintah negeri ungkup majlis bandar raya dikena ngaga bemacham itu projek pemansang di mengeri nya nyengkaum projek Miri Waterfront sepenyampau RM5 juta.

Penerang nya dikeluarka dikena nimbal surat ke dianjung Kaban Kunsil Negeri (ADUN) Pujut Dr Ting Tiong Choon ari DAP kena 30 Mei tu tadi ngagai MBM ke nanya sentang belanja projek Waterfront Miri. — DayakDaily