Skim Intu Insurans ungkup raban B40 dilangkar ba renggat ke penudi endar

Cash. — DayakDaily.com file pic.// Photo: Pixabay

IPOH, Ogos 6: Opis Menteri Pengerai diatu ba renggat ke penudi endar ngelangkar pelin skim intu insurans pengerai dikena mantu raban bepenatai pemisi mit B40 ti nguna servis pengerai di sepital perintah enggau peribit.

Sapit Menteri nya Dr Lee Boon Chye madahka skim insurans pengerai ke diperambu nya deka dipejurai di Parlimen maya aum ungkup Bajet 2019 Oktober tu ila.

“Ambika chunto, kitai deka meri intu insurans sepenyampau RM10,000 ngagai RM20,000 setaun ungkup sebuah ruang bilik untuk satu ke melanja perubat tauka chaj berubat enti dipasukka dalam wad.

“Skim bayaran insurans nya deka ditetapka ba penyampau ke pemadu minimum setipak enggau ikas pengulih raban B40,” ku iya madah ngagai pemberita pengudah bejadi Pengerami 25 Taun Gerempung Talasemia Perak di Tukong Tow Boo Keong ditu kemari.

Iya nimbal penerang ex-Ketuai Direktor Opis Pengerai, Tan Sri Dr Mohd Ismail Merican ti mantaika langgur penemu ke alai sistem insurans pengerai patut bisi ungkup rayat di menua tu dikena nanggung penambah ungkus nyaga pengerai. — DayakDaily