KUALA LUMPUR, Julai 24: Servis ba 353 Klinik Komuniti di serata menua deka diangkatka nyengkaum nyediaka lebih doktor, farmasi enggau servis pengerai ngagai rayat, ku Menteri Pengerai Dr Dzulkefly Ahmad.
Ku iya, perintah pechaya nengah nambah manah servis pengerai nya, pengawa ngenataika servis pengerai ulih diakses manah agi kelebih agi di menua pessir enggau kandang menua ulu entigis.
“Kami deka ngangkatka nya laban kitai ulih nyadika Klinik Komuniti nya dipejalaika raban lutur ngambika meri serbis nya ngagai kandang menua pesisir.
“Tu penambah ari sukut ngenataika sistem serbus pengerai ngagai raban B40, menua oesisir enggau ulu entigis,” ku iya lebuh nyaut tanya tambah Datuk Shamsul Anuar Nasarah (BN-Lenggong) sentang pengawa perintah ke meri akses perengkaguna pengerai di menua pesisir enggau ulu entigis ke nadai klinik peribit ba aum Dewan Rakyat, kemari.
Klinik Komuniti, sebedau tu dikelala enggau nama Klinik 1Malaysia, ditumbuh perintah ke sebedau tu. — DayakDaily
