Semua semaya PH maya PRU14 deka dikeamat – Baru

State PKR chairman Baru Bian

KANOWIT, May 28: Chairman Parti Keadilan Rakyat (PKR) Sarawak chairman Baru Bian anang guai engkasak dulu sekumbang perintah besai Pakatan Harapan (PH) benung ba atur ngamatka semaya pengawa bepilih ngagai rayat.

Ku iya, PH begunaka timpuh ngamatka semaya laban deka ngaga ubah ba sekeda pekara baka sturuktur enggau chara ngaduka pengawa.

“Pemujur nya baru diulih. Taja pan alah di Kanowit tang kami gaga ati, kami menang di Selangau lalu ke pemadu besai reti iya nya kami ulih ngerampas Putrajaya.

“Nya beguna amat laban kuasa politik diatu ba jari kitai,” ku iya lebuh bejadi pengerami Mantar Gawai enggau makai selamat ba rumah PKR Kanowit, Thomas Laja Besi kena malam Hari Enam tu tadi.

Baru, ke menang di Selangau maya PRU14 tu tadi, netapka perintah baru deka ngamatka semua semaya ke bisi dalam manifesto.

Iya ke mega Kaban Kunsil Negeri Ba ‘Kelalan, pechaya Sarawak deka bisi pengari ba rintai perintah besai.

Nengah awak nya mega, Baru madahka PH ngelaluka sesapa ti deka nyereta sida dikena ngeringka pengawa ke dikereja sida.

Batang juluk dalam politik iya nyerakupka rayat enggau kami ngambika ulih ngemansang Malaysia ngena polisi ti ulih meri pemaik ngagai rayat, ku iya.

Sama bisi malam nyasekretari PKR Kanowit George Chen enggau ex-chalun PKR Kanowit, Satu Anchom. — DayakDaily