Semua projek ngaga balai bomba di serata menua deka dipajakka – Hamdan

Silhouettes of workers on a construction site. — DayakDaily.com file pic. // Photo: Pixabay

LABUAN, Jun 24: Semua projek balai bomba ke benung digaga diserata menua deka dipajak baka ke udah diperambu, pia ku Kepala Direktor Opis Bomba enggah Penyelamat ke baru dipadu Mohammad Hamdan Wahid.

Ku iya, projek jemah ila deka meri empas ke besai ngagai pengelantang rayat, mega nadai penanggul laban pinta khas deka dikenatai ngagai perintah ngambika diperunding.

“Projek (balai bomba) ke benung digaga nya deka dipajak laban surat setuju nerima udah diterima ngambika digaga,” ku iya ba aum media ditu nyerumba nemuai seraya kereja sehari iya ke Labuan kemari.

Ku Hamdan, diatu bisi 30 balai bomba di Sarawak, ke alai tujuh benung digaga lalu Sabah bisi 22 balai bomba ke alai dua balai bomba benung digaha sereta sebuah agi dalam perambu.

“Di Labuan, kitai bisi tiga balai bomba ke alai dua projek benung digaga nyengkaum ngaga indu opis ke baru, ” ku iya. — DayakDaily