KUALA LUMPUR, April 8: Menira enggau logo Parti Keadilan Rakyat (PKR) deka dikena Pakatan Harapan maya pengawa bepilih besai (PRU) ke-14 nya beduduk ari pekat sida ke deka numbangka UMNO enggau Barisan Nasional (BN).
Ku Mandal Presiden PKR Nurul Izzah Anwar, pemutus nya diambi pengudah pengawa nguji ngerejista logo Parti Pribumi Bersatu Malaysia (Bersatu) enggau Pakatan Harapan ditagang sekeda raban orang.
“Aku nyemetak madah nyadi parti ti bepelasarka prinsip pengelurus ati sereta ngarika pengibuh rayat ari mayuh bengkah usul sosioekonomi, tentu pemeratka deka ngetanka institusi menua ngambika terus demokratik, ukai politik elitis ti nyeliahka demokrasi baka ke digaga BN,” ku iya ba sebengkah penerang.
“Nguna siti logo nempa sejarah baru dalam gempung penyakal ti diada nengah Harapan ke deka ngalahka parti pemerintah ari baruh pegai Datuk Seri Najib Razak,” ku iya.
Nyata, ku iya, semina ketuai Umno baka Menteri Komunikasi enggau Multimedia Datuk Seri Salleh Keruak ke saru lebuh logo PKR nya dikena Pakatan Harapan.
“Salleh semina nempik jari sepiak aja. Aku pechaya orang Melayu diatu enda kala saeu enggau propaganda murah enggau lambang aja.
“Juluk orang Melayu ke enggau Harapan amat nyata, iya nya deka numbangka ketuai Melayu UMNO enggau BN ti ngirit menua nuju pengusut ekonomi enggau makai suap ti nating rayat,” ku iya.
“Tentu sentang logo tu fokus sida deka ngalih ngagai rayat dalam isu ke besai agi baka ketuai ti ngaul diri enggau ulah makai suap, ti tau nyadi nyentuk ke ngetak subsidi, peniki rega barang nengah chukai GST enggau bemacham penanggul ekonomi ke bukai,” ku iya.
“Aku meda semua fokus rayat nyerumba PRU14 iya nya nunjuk ngagai BN jalai keluar ari Putrajaya,” ku iya.
Ku Nurul Izzah baru, PKR enggau Pakatan Harapan mutus ati deka nganchurka rekod nadai kala alah BN ba PRU ngelama tu.
Media mantaika penengkebang DAP Dr Chen Man Hin mantaika pengasa ati ketegal nguna rasa logo nya lalu logo roket enda dikena DAP ba PRU ila.
Pakatan Harapan madahka nguna logo PKR ti udah dilancharka Charmain PH Tun Dr Mahathir Mohamad ba sebengkah pengerami di Pasir Gudang, Johor malam ensana. — DayakDaily
