Semua bilik operasi nembiak BN di S’wak udah diaktif

Gerald Rentap Jabu

KUCHING, April 8: Semua bilik operasi pengawa bepilih Ke-14 Pampang Nembiak Barisan Nasional (BN) Sarawak di seluruh negeri udah diaktif.

Ku Ketuai Nembiak PBB, Gerald Rentap Jabu madahka pekara nya udah diejalaika lalu mega udah dipenyadi Chairman BN negeri kena Mac 26 sebedau tu.

Ku iya, pamapang nembiak BN udah sedia napi Pengawa Bepilih Besai Ke-14 (PRU14) tu.

“Kami sedia nyatup ba rintai mua dikena nentuka BN menang besai bekerejasama raban Apai enggau Indu BN.

“Sehari tu, aku di Lawas ngelanchar raban pengawa bepilih nembiak Zon Lawas Limbang,” ku iya.


Iya bejaku munyi nya lebuh dipinta ngenang pasal tusun kereja Nembiak BN pengudah Parlimen direrak kemari.

Tambah iya, raban pengawa bepilih BN deka chakah agi gawa nentuka bekerja BN Sarawak ke ari baruh iring Chairman ke mega Kepala Menteri, Datuk Patinggi Abang Johari Tun Openg menang besai. — DayakDaily