KUCHING, Mac 7: Singapore enggau Sarawak pagi kemari udah nyain Sempekat Pemereti Ati (MOU) ti muka awak bekerejasama ba platform bebayar nengah digital mobile.
Penerang berita ari Sjngapore madahka Kepala Menteri, Datuk Patinggi Abang Johari Tun Openg ti ngulu raban iya nemuai seraya gawa kin pengelama dua hari udah nyadi saksi maya pengawa nyain sempekat nya di sebuah hotel tebilang ditu.
Muak ke lemai Abang Johari enggau raban iya nemuai meri basa ngagai Menteri Besai Singapore, Lee Hsien Loong ba Istana di ba Jalai Orchard lalu nangkanka nya baum enggau Menteri Wang, Heng Swee Kiat ba oois iya di High Street.
Sama bisi ba pengawa nyain sempekat nya Menterj Singapore, Bekuasa ba Smart Nation, Dr Vavian Balakrishanan, Sapit Kepala Menteri Datuk Amar Douglas Uggah Embas enggau Tan Dr Sri James Jemut Masing, Skeretari Perintah Negeri, Tan Zri Datuk Amar Morshidi Abdul Ghani enggah Duta Besai Malaysia di Singapore, Dato’ Zulkifli Adenan.
SMA diarika Menijar Besai, Dr Zaidi Razak an Network for Electronic Transfer (Singapore) Pte Ltd (Nets) nengah raban CEO, Jeffrey Goh.
Nangkanka nya Sekretari Nengeri lalu nguluka tim nyengkaum raban pemesai rasmi perintah sereta kaban kaunsil Multi Media Authority (SMA) ngulu penerang ke dikentaika Opis Menteri Dagang enggau Industri Singapore.
Kepala Menteri enggau raban iya datai dia kena Hari Minghu beratika nempa kerejasam enggauPerintah Singapore ba pekara ekonomi digital. — DayakDaily
