Sarawak nengeri pemadu mayuh ngeluar lada di Malaysia

Pepper. — DayakDaily.com file pic. // Photo: Pixabay

KUCHING: Eksport lada menua dipelaba nambah ngagai 15,000 tan taun tu enti dibanding enggau 12,199 tan taun siti nyin tadi, ke alai menua Jepun nyadi menua pengeksport ke pemadu besai.

Menteri Kebun Bedandang Besai enggau Komoditi, Datuk Seri Mah Siew Keong madahka pemesai tanah endur nanam lada di Malaysia dipelabaka bisi 17,100 hektar ti ngemansutka 31,000 tan taun tu dibanding enggau 16,768 hektar ti ngemansutka 29,245 tan taun siti nyin tadi.

Ku iya, Sarawak nyadi nengeri ke pemadu mayuh ngeluar lada di Malaysia laban 98 peratus pekebun di menua diatu ari nengeri tu.

“Taun tu penyampau eksport lada menua entara bulan Januari ngagai Julai iya nya 5,851 tan ke beungkus RM 180.4 juta. Jepun menua ke pemadu mayuh eksport lada ari menua tu diatu, ke alai 1,580 tan lada tauka 27 peratus ari penyampau eksport udah datai di menua nya,” ku iya.

Iya bejaku munyi nya ngagai pemberita pengudah bejadi genap 10 taun Kaunsil Lada Malaysia ( MPB) udah ditumbuh ke mega lalu bejadi Pesta Lada, kemari.