Sarawak nengeri kedua mayuh kes HFMD

A stethoscope. - DayakDaily.com file pic. // Photo: Pixabay

KUCHING, Ogos 7: Sarawak ba penuduk kedua mayuh kes penyakit kaki, jari enggau mulut (HFMD) nangkanka Selangor, nitihka statistik pemadu baru ti dikeluarkan Opis Menteri Pengerai Malaysia.

Ngagai Hari Enam minggu nyin tadi, negeri tu ngerikod 5,258 kes sepanjai taun tu lalu Selangor ngerikod 12,960 kes.

Dalam timpuh Julai 22 ngagai 28, 2018, Sarawak ngrikod 334 kes lalu kena Julai 29 nyentuk Ogos 4, penyampau nya nambah ngagai 628 kes.

Penyampau nya ku opis menteri nya, dipeda bisi nurun laban ari Januari 1 ngagai Ogos 4, 2017, 6,692 kes dirikod dibanding enggau 5,121 kes ungkup timpuh ke sama taun tu.

HFMD ku iya, penyakit virus ke suah nyadi ba nembiak mit ke beumur baruh ari 10 taun.

Nya suah agi bepun enggau gaya sir dalam mulut ke pechah lalu sir nya mega nyadi ba jari lecur, kaki, punggung endu pemalu, kelimpah ngujungka rengna angat.

Penyakit nya jampat berampit ba ikas nyauka 100 peratus, kelebih agi ba raban nembiak ke beumur kurang ari 10 taun, kelebih agi ba endur ke suah mayuh orang baka di taska enggau tadika. — DayakDaily