Sarawak merambu ngaga Borneo Railway nyambung Sabah, Pontianak

Datuk Patinggi Abang Johari Tun Openg. — DayakDaily.com file pic

SARATOK, April 22: Kepala Menteri kemari madahka Sarawak ngembuan perambu timpuh panjai deka ngaga jalai keretapi Borneo (“Borneo Railway”).

Ku Datuk Patinggi Abang Johari Tun Openg, jalai keretapi nya deka nyambung Sarawak, Sabah enggau Pontianak, Indonesia.

Taja pia, penemu nya nya nyadi perambu timpuh panjai pengudah tembu ngaga LRT-Kota Samarahan-Serian.

LRT pemanjai 154.2km ke berega urung RM11 bilion dijangka tembu dalam taun 2024.

“ ‘Angan-angan’ patut bisi… nya semina perambu kitai jemah ila. Kita bisi berundingka pasal Railway Borneo di Sarawak dulu udah Indonesia. Kitai nembuka LRT Kuching dulu,” ku iya.


Iya bejaku munyi nya ba Pengerami Bejadi Sejiwa Senada Saratok ditu kemari.

Ku Abang Johari baru, Sarawak deka bekerejasama enggau perintah Indonesia nyema perambu Borneo Railway nya dikemujur. — DayakDaily