Sarawak deka nyadi tuai rumah ngatur ISES 2018 kena April 10-11

International Sustainable Energy Summit 2018 (image sourced from www.ises.gov.my)

KUALA LUMPUR, Mac 28: Kepala Menteri Datuk Patinggi Abang Johari Tun Openg dijangka deka bejadi Aum Besai Tenaga Lestari Antarabangsa (ISES 2018) keempat ke diatur kena April 10-11 April di Kuching, Sarawak.

Sarawak mega deka nyadi tuai rumah pengerami makai lemai beserimbai enggau besai nya ti berambaika leka jaku “Tenaga Lestari: Masa Depan Di Sini”.

ISES 2018 diatur begulai enggau Opis Bekuasa Pemansang Kuasa Lestari (SEDA) ari baruh Opis Menteri, Teknologi Gadung enggau Ai sereta Perintah Negeri Sarawak.

Ketuai Pemesai Eksekutif (CEO) SEDA Catherine Ridu madahka aum besai nya deka ngatur tiga sesi pleno enggau 10 bengkel berandauka deep-dive (DDW).

Ku iya, urung 80 iku ketuai pemikir entarabansa enggau menua tu dikangau nyadi oengelicha ba aum nya.

Ku iya baru, entara batang topik ti deka dikerandau maya sesi pleno iya nya isu gaya makit elektrik jemah ila ba renggat global enggau inisiatif perintah negeri enggau menua ngubah makit elektrik ke diatu.

Topik bukai iya nya isu nengkebang baru model dagang ungkup utiliti kuasa ba makit elektrik jemah ila.

Dua topik baru ti deka dibantaika ari baruh DDW iya nya “Peranan Masa Hadapan Blockchain dalam Pasaran Tenaga” enggau “Kemunculan Sistem Penyimpanan Tenaga”.

Topik nya ku Ridu setipak enggau juluk strategik perintah Sarawak bekaul enggau ngaga sistem digital elektrik enggau trend global dalam kuasa lestari.

Penerang silik pasal aum nya tau dipeda ba www.ises.gov.my sereta nengah aplikasi Whova. — DayakDaily