Sabah, Sarawak bisi channel TV baru ke diberi nama ‘TV OKEY’

Gambar hiasan seorang kanak-kanak menonton tv. — DayakDaily.com file pic. // Photo: Pixabay

KOTA KINABALU, Mac 22: Menteri Besai Datuk Seri Najib Tun Razak kemari udah ngelancharka channel TV ke diberi nama, TV OKEY, semina ungkup Sabah enggau Sarawak.

Bejaku ba pengerami nya, Najib madahka perintah ulih ngenataika mesej enggau ngasi agi ngagai rayat nengah channel nya.

Channel baru nya mega ulih meri peluang ngagai industri kreatif di Sabah enggau Sarawak angelakuka pengelandik baru, ku iya.

“Barang endur kitai bejalai, kitai ulih meda penanyi, orang betanda, pengeluar drama, pengarang skrip, orang ke ngaga dokumentari enggau mayuh agi ari Sabah enggau Sarawak,” ku Najib.

“Nengah channel baru tu, ‘airtime’ ba Sabah enggau Sarawak deka nambah. Tu dikena meransang pengelandik baru.
“Pengelandik rayat Malaysia udah diakun ba renggat entara bansa baka ari menua Indonesia, United States, Mexico sereta mayuh agi.


“Cherita ti dibantaika kitai baka Upin enggau Ipin, BoBoiBoy sereta mayuh agi tebilang di menua tasik.”

Ku Najib, channel TV baru tu deka ngasi swreta engkeman agi laban deka dipanchar nengah mayuh bansa jaku ari Sabah enggau Sarawak.

” Di Sabah bisi bisi 52 etnik rasmi lalu di Sarawak bisi 27 bengkah etnik”, ku iya.

“Sebedau tu RTM bisi mantaika program dalam jaku Iban enggau Kadazan dua kali sehari, lalu bansa bukai semina nengah radio.

“Channel baru th dwka mantaika mayuh agi program dalam mayuh bengkah jaku. Tu deka mandangka Sabah enggau Sarawak nyadi menua chunto ti manah ba pengawa rama ngagai serata menua tu.

“Ke beguna agi pesan ti dikenataika channel baru tu ulih mandangka ketuai negeri nya ‘OK’ tang ke beguna amat, rayat mega ‘OK’.

TV tu sebut pandak ark leka jaku “opportunity”, “knowledge”, “experience” and “yours”.

Channel nya ulih dipeda nengah Astro 109 enggau MyFreeview 110 nyengkaum RTM Mobile app. — DayakDaily

Share this article!