SANDAKAN, Ogos 19: Nyadi sebuah stesen pemanchar menua, Radio Televisyen Malaysia (RTM) agi relevan nyadi medium nyerakupka rayat pupu bansa di menua tu, ku Menteri ba Opis Menteri Besai Datuk Liew Vui Keong.
Nya dikemujurka nengah mayuh bengkah program ti dikeluar sekalika program di radio tauka televisyen.
“Taja pan besemekih enggau stesen pemanchar peribit di menua tu, pemisi media alternatif nya diatu majak nguji nguasa, tang RTM tetap nyadi pilihan rayat endur ngulihka pemadah ke betul,” ku iya lebuh bejadi Final Pekit Bintang SandakanFM 2018 ditu, malam tadi.
Teks jaku iya dibacha Sekretari Kediri iya Mohd Hanafi Montoi. Sama bisi datai Pemangku Direktor RTM Sabah Malinaziah Datu Mohd Julaspi. — DayakDaily
