RM 70 juta dikemendar dikena ngaga jalai nuju Sg Ilas

Compactor. — DayakDaily.com file pic. // Photo: Pixabay

IGAN, Mei 7: Pengelama 30 tahun lebih 1,000 iku peranak Sungai Ilas ti nganti jalai digaga deka nyadi nya pengudah ungkup belanja RM70 juta dikemendarka dikena ngaga jalai ari Igan ngagai kandang menua ke pemadu ujung dalam Parlimen Igan nya.

Tuai Rumah Lang Belon lebuh ke behaku ngarika peranak rumah panjai nya beserimbai enggau penemuai chalun Parlimen Igan, Ahmad Johnie Zawawi madahka jalai alun nya tau dikeswmaka baka perais Hari Gawai Dayak taun tu.

“Ngarika peranak ditu aku meri terima kasih ngagai Kepala Menteri Datuk Patinggi Abang Johari Tun Abang Openg ketegal udah ngemendarka peminta nya.

“Terima kasih mega ngagai ADUN Jemoreng Datuk Dr Juanda Jaya,” ku iya.

Juanda ke nyempulang penemuai nya lebuh ke bejaku minta peranak di menua nya terus nyukung perintah Barisan Nasional (BN).


“Terima kasih ngagai Kepala Menteri ti udah ngemendarka jalai alun betikas R3,” ku iya. — DayakDaily