RM 112.33 juta dividen deka diagih ngagai pekebun mit RISDA

Datuk Seri Najib Tun Razak

Follow and subscribe to DayakDaily on Telegram for faster news updates.


TEMERLOH, April 3: Menteri Besai Datuk Seri Najib Tun Abdul Razak kemari madah, dividen sepenyampau RM112.33 juta deka diagih ngagai 33,523 iku pekebun mit Opis Ngemansang Pekebun Mit enggau Industri Getah (RISDA) di serata menua ke taun tu.

Ku iya, RM39.59 juta ari penyampau nya deka diagih ngagai 16,080 pesereta Rancangan Tanaman Baharu Berkelompok (RTBB) enggau RM72.7 juta agi diagih ngagai 17,443 pesereta Tanam Semula Komersial (TSK).

“Bayar dividen tu nambah 5.17 peratus ari RM106.8 juta taun siti nyin tadi ngaga RM112.3 juta taun ke deka ngagaka ati pesereta RTBB enggau TSK arj baruh RISDA,” ku Menteri Besai.


Najib ke mega Menteri Wang bejaku munyi nya ba Pengerami Nyuaka Dividen RISDA Renggat Nasional di Dewan Majlis Perbandaran Temerloh, Simpang Peragap, Kampung Ketam, Kerdau dith kemari.

Sama bisi datai Menteri Besar Pahang Datuk Seri Adnan Yaakob enggau Menteri Pemansang Menua Pesisir enggau Kandang Menua Datuk Seri Ismail Sabri Yaakob. — DayakDaily