KUCHING: Menteri Pengatur Pengereja Pengawa, Datuk Seri Richard Riot Jaem mengkang dikearap ngetanka penuduk iya ba Pengawa Bepilih Besai (PRU) ke deka diatur sebarang maya.
Ku presiden Parti Sa’ati Rakyat Sarawak Dr Sim Khui Hian, SUPP mega deka mantai orang baru ba enam kerusi ti deka diperebut maya Pengawa Bepilih Besai (PRU) tu ila.
“Ba PRU sebedau tu, kitai udah alai ba enam penuduk, nya alai tentu kitai deka nyabung orang baru,” ku iya seraya ngenukuka orang lama deka dichalunka baru ba PRU ke sekali tu ila.
Lebuh ditanya sekalika chalun ti dikeandalka ulih menang ngarika SUPP udah dikelala?
Ku iya, sida dekaka chalun ke pemadu engkeman taja pan udah bisi rintai pandak nama chalun nya.
Taja pia Dr. Sim madah, pemutus ke penudi endar dilempia ba jari Ketuai besai Barisan Nasional (BN).
SUPP udah bebendar nyendiaka diri napi PRU kenyau ari PRN suba, ku iya
Iya madah munyi lebuh dikerandau beserimbai enggau Hari Raya Korban Indu Opis Pelilih (IPD) Padawan di Batu 17, Siburan.
