Rega gula deka diturun 10 sen berengkah Sept 1

Sugar. — DayakDaily.com file pic. // Photo: Pixabay

PUTRAJAYA, Ogos 27: Rega gula deka diturunka 10 sen sekilogram (kg) berengkah ari Sept 1, ngujungka rega baru gula pasir kasar RM2.85/kg lalu RM2.95/kg ungkup gula pasir alus.

Menteri Dagang Dalam Negeri enggau Pekara Beneli Barang, Datuk Saifuddin Nasution Ismail lebuh ti mantaika pekara tu madahka nya sehari tu setipak enggau gaya rega gula ke nurun ba makit dunya.

Ku iya, atur ke sama mega dipejalaika ba sekeda menua bukai baka Singapura, Indonesia enggau Thailand lalu rega gula di Malaysia mengkang entara ke.pemadu murah di rantau tu.

“Perintah mega siru enggau isu tating idup rayat ke nyari ketegal peniki sekeda rega barang ke diguna,” ku iya ba aum media pengudah gempuri ninting bulan opis menteri, ditu sehari tu tadi.

Saifuddin Nasution madahka nengah singkang nya dikearapka ulih ngurangka pelaba empas ‘multiplying effect’ ngagai rega pemakai enggau ai irup. — DayakDaily