Rayat sitak Parlimen Bintulu dilalau anang nyeretai gempuru tanah NCR

Datuk Seri Tiong King Sing

BINTULU, Nov 8: Kaban Parlimen Bintulu Datuk Seri Tiong King Sing ngelalau rayat dalam sitak Parlimen Bintulu enda nyeretai gempuru tanah Hak Adat Bumiputera (NCR) Nov 13 tu Kuching.

Ku Tiong, isu tanah kelebih agi di menua pesisir ukai baru sereta suah dikena penyakal nyadika modal pengawa bepilih.

Ku iya, Sapit Kepala Menteri Datuk Amar Douglas Uggah Embas udah dikearap nyadi chairman Komiti Pemakai Menoa enggau Pulau Galau sereta ngiga chara mutarka penanggul nya lalu perintah negerj ari baruh iring Abang Johari mega sigi bebendar deka mutarka isu nya.

Tiong mega ngenataika jaku nya lebuh ke nemuai ngagai rumah panjai di sepanjai Jalai Bintulu-Miri.

Penemuai iya nya disempulang ejensi perintah nyengkaum gerempung ukai dikuasa perintah (NGO), lalu ngena awak nya mendingka penanggul ke ditapi peranak rumah panjai sereta bedanji mutarka penanggul sida. — DayakDaily