Rayat Sarawak nyambut manah penemuai basa Abang Johari ngagai PM

Abang Johari (right) pays a courtesy call on Dr Mahathir in Kuala Lumpur.

KUCHING, Jun 3: Rayat Sarawak nyambut manah penemuai Kepala Menteri Datuk Patinggi Abang Johari Tun Openg ngagai Menteri Besai Tun Dr Mahathir Mohamad dengan Ketua Menteri di Putrajaya, empai lama udah.

Diberitaka Kepala Menteri Sarawak ketuai merupakan negeri penyakal keterubah betemu enggau Tun Mahathir, ke alai kelimpah Sarawak, negeri bukai ke nyakal iya nya Perlis, Pahang, Kelantan, Terengganu enggau Sabah.

Barisan Nasional Sarawak menang 72 ari 82 kerusi ba pengawa bepilih negeri kena Mei 2016.

Pengudah Pakatan Harapan ba pengawa bepilih besai ke-14, Abang Johari madahka BN Sarawak enda begempung enggau Pakatan Harapan.

Taja pia ku iya, Perintah Negeri Sarawak deka bebakih enggau perintah besai.

Pakatan Harapan dalam manifesto PRU14 besemaya deka mulaika status Sabah enggau Sarawak nitihka Sempekat Malaysia 1963.

Taja pia, enda nemu mega batang pekara ke dikerandau entara Menteri Besai enggau Abang Johari maya nya.

Kini rayat Sarawak nuntut ngambika oerintah ari baruh iring Tun Mahathir ngamatka semua semaya dalam manifesto nya.

Dipechaya pengawa betemu nya endang singkang nuju pekara nya. — DayakDaily