PETALING JAYA, Sept 8: Sebengkah pansik peragam beratika, rayat puas ati enggau pemujur perintah Pakatan Harapan bejalaika pengawa pengelama 100 hari, taja pia bisi beberapa pekara ke meseti dikemanah sereta ditambah manah, ku Tun Dr Mahathir Mohamad.
Ku Menteri, pansik nengah ‘online’ ke ngaul urung 500,000 responden nya berarika peragam rayat mayuh agi mandangka kelai positif dibanding negatif.
“Bisi ti ngenataika langgur penemu, taja pan perintah diatu enda nyapai pemujur ti kinginka, tang sida puas ati.
“Bisi mega ke meeri timbal negatif. Ambika chunto dalam isu perengka pengangkut, sida enda puas hati enggau penyampau belanja ke bekaul MRT tangmandangka timbal positif ngahai fasiliti enggau perengkaguna ti disedia,” ku iya.
Chairman Pakatan Harapan bejaku munyi nya lebuh nguluka aum Kaunsil Majlis Presiden Pakatan Harapan di Menara Yayasan Selangor kemari.
Dr Mahathir madahka pansik ti dipejalaika kompeni peribit nya mega tetemuka rayat enda puas ati enggau pengulih perintab munaska ulah makai suap sereta dekaka sida agresif agi bejalaika pengawa ngagai bala ketuai ti didawa bisi kaul enggau makai suap sereta ngelimpang belanja.
Ku Menteri Besai nya baru, pansik mega beratika rayat puas ati enggau pemujur perintah nginsil undang-undang ke bechiping sebedau tu lalu disilih ngena undang-undang baru baka Cukai Bejual enggau Serbis (SST). — DayakDaily
