Rapitka baru tanggam kaul nengah pengerami Gawai Dayak pengudah PRU14

Tun Pehin Sri Abdul Taib Mahmud

KUCHING, Jun 1: Yang di-Pertua Negeri Pehin Sri Tun Abdul Taib Mahmud minta rayat Sarawak ngerapitka kaul pengudah kimpin ba Pengawa Bepilih Besai Ke-14 (PRU14) ti mai ubah ngagai perintah ba renggat menua.

Dalam PRU14, Mei 9 tu tadi, Pakatan Harapan udah mujur ngalahka Barisan Nasional ke udah merintah menua pengelama 61 taun.

Ku Yang di-Pertua Negeri, rayat Sarawak patut nguna maya Hari Gawai Dayak tu berami seraya ngedutka kaul enggau pangan diri.

“Ke beguna amat kita meseti ngemanahka baru kaul enggau pangan diri ngambika ulih ngenegapka penyerakup bansa di Sarawak,” ku iya nengah jaku Hari Gawai Dayak ke dintu bansa Dayak sehari tu.

Ku iya, penyerakup nya beguna amat dikena mai Sarawak teulihka pemujur jemah ila, kelebih agi ngambika rayat pupu bansa di negeri tu ulih idup likun enggau pangan diri.

Nya alai ku ujar Taib, penyerakup ke udah lama ditanggam patut ditanka ngambika semua pemansang ulih dipejalaika enggau mujur. — DayakDaily