![peace-2641612_1920](https://i0.wp.com/dayakdaily.com/wp-content/uploads/2017/10/peace-2641612_1920-e1508132705288.jpg?resize=696%2C463&ssl=1)
PUTRAJAYA, Sept 5: Peminta tinggi industri ngagai ba nembiak ti udah nembuka Pelajar Teknikal enggau Latih (TVET) mandangka sida ke graduate ari institusi nya setanding enggau ke nembuka pelajar di universiti.
Menteri Nembiak Lumba enggau Main Syed Saddiq Syed Abdul Rahman madahka gaya nya bebida berbanding enggau peragam negatif mensia mayuh dalam timpuh empat taun ke udah ti meda orang ke megai setipikit tauka diploma TVET nya ‘kelas kedua’ sereta enda ulih besemekih ba makit kereja.
“Tu mih entara kebuah modul TVET ke digaga bala tebangkar ti ngembuan mayuh peneleba dalam industri, ngambika raban graduate ti ditempa amat bisi ulah ‘industry driven’,” ku iya lebuh bejadi pengerami konvokesyen Institusi Latihan Kemahiran Belia dan Sukan (ILKBS) Ke-14 di Pusat Konvensyen Antarabangsa Putrajaya (PICC) diu kemari.
Sepenyampau 5,472 raban graduate ILKBS ti ngarika Institut Kemahiran Tinggi Belia Negara (IKTBN), Institut Kemahiran Belia Negara (IKBN), Akademi Kemahiran Belia Golf (AKBG) enggau Kolej Kemahiran Belia Nasional (KKBN) nerima setipikit enggau diploma sida sekali tu.
Nitihka statistik penyampau raban graduate ILKBS ke lalu ba makit kerja udah nambah ngagai 93 peratus taun siti nyin tadi ari 80 peratus ba taun 2013 enggau gaji puku rata RM1,631 sebulan. — DayakDaily