Raban DID Kenyalang mujur nengkebang IG dikena nyidi ampuh bah ngenyit

Government personnel monitoring water levels in rural areas.

KUCHING, Jan 20 : Ampuh bah ngenyit siti ari penusah ke suah nyadi ba kandang pasar di Sarawak ti mar ditemu ari sukut pemadah laban nadai perengka ke engkeman dikena nyidi penyadi nya.

Ku Penulung Pengarah Pampang Hidrologi enggau Pemansut Ai Opis Parit enggau Entali Ai (JPS) Sarawak, penusah ampuh bah nyenyit sebedau tu mar ditemu nyadi laban nyadi kelalu jampat.

“Tambah mega sistem ke sebedau tu enda tentu ngasi dikena nyidi penyadi bah ngenyit ,” ku iya.

Ku iya, JPS Sarawak baru berengkah numbuhka siti tim ke diberi nama DID Kenyalang ti bejalaika pengawa nengkebang perengka dikena nyidi ampuh bah ke dikumbai (Intelligent Gauge).

“Perengka nya digaga dalam timpuh tiga bulan sereta disikap enggau pengerikod tikas ai sereta chukup moden.

“Sistem nya deka ngumpul data tikas tetinggi ai niki ke tau nyadika referen ke pemansang jemah ila,” ku iya. — DayakDaily