BARAM, Mei 6: Kaban Kunsil Negeri (ADUN) Telang Usan Dennis Ngau minta raban bansa Penan di Kampung Akah Patah nyukung chalun Barisan Nasional (BN) Parlimen Baram Anyi Ngau maya hari muai undi kena Mei 9 tu.
Ku iya, pemujur Anyi enggau BN beguna amat dikena ngerembaika pemansang ba kandang menua Penan.
Ku iya, semua langgur pemansang ti dipejalaika perintah BN ba kandang menua Penan di Baram betuju dikena nentuka bansa penan enda terus tinggal.
“Nya alai, komuniti Penan anang mudah tekuing runding ninga jaku achuk chalun penyakal ti nulak pemansang ke diba i perintah.
“Penyakal semina nemu bejaika perintah tang enda kala nyaup ngemansangka bansa Penan,” ku iya.
Tambah Dennis, bansa Penan begunaka pengari rayat BN ngarika hak sida.
“Mayuh pemansang diperambu BN kelebih agi BN Sarawak ti nyata meri pemaik ngagai sida,” ku iya. — DayakDaily
