KUCHING, 18 Dis: Prujek ngangkatka tikas pemanah Luji Meresi Ai Bau ke beungkus RM16 juta diatu udah ba renggat penudi.
Opis Menteri Utiliti nengah Opis Bekal Ai Menua Pesisir (JBALB) ke nyadi ijinsi ti mutarka penusah suntuk bekal ai rayat di Bau enggau kandang endur ngeliingi deka ngemujurka prujek nya.
Prujek ke dipelanja Perintah Sarawak tu disadang tembu digaga ba suku keterubah tahun baru iya nya kena 15 Januari, 2021.
Tembu jemah, luji deka meri penguntung ngagai lebih 50,000 rayat di Bau enggau kandang endur ngelingi lalu mutarka terus penusah suntuk bekal ai.
Skop kereja nyengkaum pengawa ngangkatka tikas pemanah luji, palan ngumpul ai mata, sistem ‘flocculation’ enggau ‘sedimentation’, sistem napis ai, begunan pematau sereta begunan ba dalam luji Meresi Ai Bau. — DayakDaily
