Projek ngangkatmanah ‘Wireless Walk’ meseti dipajakaka

Digital devices and data. — DayakDaily.com file pic. // Photo: Pixabay

MIRI, Julai 14: Projek ngangkatmanah ‘Wireless Walk’ ke beungkus RM3.36 juta, meseti dipajakka kaban nya ulih ngerembaika ekonomi sereta nyadi penatai temuai ke Miri.

Sekretari Gerempung Orang Dagang Bumiputera Miri Sarawak (PBMS) Sarkawi Suhaili madah, perambu MP Miri Dr Michael Teo Yu Keng nangguhka projek nya sementara ketegal penanggul ngamahka rampa menua, sanitasi enggau penyekut jalai alun, sigi enda patut.

“Kami mantah perambu nya laban PBMS bisi kaul meri langgur penemu alai ngaga pakan ke engkeman bedagang mit ba puak bandar raya ngena ungkus ke baruh sereta ulih nyadi ikon dagang temuai,” ku iya.

Ku iya, sentang penanggul ngamshka rampa menua, sida enggau Majlis Bandaraya Miri (MBM) sedia matau kualiti pemeresi orang dagang ba palan nya ari sukut pemeresi kandang ngelingi sereta deka ninggang atur ke terit ngagsi irang dagang ti enda nitihka atur nyaga pemeresi.

“Ambika chunto Pasar Malam Saberkas udah lama beroperasi sereta mayuh orang ke bejual sechara mit-mit tang nadai penanggul pemeresi nyentuk ke diatu lalu agi matak penatai temuai,” ku iya. — DayakDaily