BELURU, Feb 8: Menteri Muda Opis Kunsil Kandang Menua, Datu Dr Penguang Manggil meransang Gerempung Tuai Rumah dikena memanah lalu nyadika platform dikena nyerakup, mengetanka adat asal, pengelikun, aktiviti jalai pengarap sereta berandau lalu besaumka pekara bekaul chara bejalaika pengawa di rumah panjai.
Gerempung nya mega platform ke pemadu manah nyadi penyambung entara bala tuai rumah enggau YB sereta perintah, ku iya.
Penguang ke mega Kaban Kunsil Negeri Marudi bejaku munyi nya ba aum Extraordinary General Meeting (EGM) Gerempung Tuai Rumah Beluru, ke diatur ba Dewan Mensia Mayuh Beluru, kemari.
Ba aum nya mega beratika Penghulu Benang ti udah ngemuangka kerusi Chairman ketegal udah diangkat nyadi Penghulu empai lama udah.
Aum nya mega udah milih rintai ketuai baru gerempung nya ke alai Tuai Rumah Tr. Ngumbang Tia udah dichiri nyadi Chairman dibantu Tr Henry Gomez nyadi sapit iya.
Rintai bukai iya nya Tr. Nora Ree nyadi Sekretari lalu Tr. John Marikan (sapit sekretari),Tr. Kompeni Agon (Tukang Wang), Tr. Seman Ringgie (Sapit Tukang Wang),Tr. Stephen Kelat (Juru Audit)
Tr. Mering Egang (Sapit Juru Audit).
Kaban komiti bukai gerempung iya nya
Tr. Musin Radin, Tr. Langat Anthony,
Tr. Sara Anggul, Tr. Anthony Ladi, Tr. Salwan Huru, Tr. Ludan Ratih,
Tr. Jilan Chaong, KK Wen Mangelit,
TK Joslee Teging Ruth enggau
Tr. Christopher Rajau.
Iya mega muji sereta meri terima kasih ngagai komiti lama laban ti udah bekerejasama sereta komited ngereja pengawa. Iya arapka rintai komiti ke baru tu majakka kerejasama enggau komitmen komiti lama nya.
Penguang ke nyadi patron Gerempung Tuai Tumah Beluru mega bisi mantaika langgur penemu ngambika Pemancha enggau Penghulu dichiri nya Penyanding Penemu gerempung nya.
Dulu ari nya, iya bisi nyuaka bantu beg sekula ari Yayasan Pendidikan Mara ngagai bala nembiak ari SMK Bakong, SK Sg Liam, SK Kuala Bok, SK Entulang enggau SK Lapok.
Nengah awak nya mega, iya lalu nyerahka bayar chek ke penudi ngagai JKKK Rh Larek Mat (RM15,000), JKKK Rh Mathew Tiri (RM20,000), JKKK Rh. Lingga (RM15,000), JKKK Rh Jawan (RM20,000), JKKK Rh Michael Bangat (RM10,000), JKKK Rh Bantan Labau (RM15,000), JKKK Kg.1 Malaysia Lapok (RM10,000), JKKK Rh Louis Suring (RM15,000) enggau JKKK Long Jegan (RM50,000).
Sama bisi ngulu aum nya, Cr. Edward Mendai (mandal presiden PDP Marudi), Pemancha Enggah, bala Penghulu enggau Kaban Gerempung Tuai Rumah Beluru. — DayakDaily
