MIRI, Okt 21: Pakatan Harapan (PH) deka bediri minta pilih ba tujuh kerusi Parlimen di utara Sarawak baka Bintulu, Miri enggau Limbang ba pengawa bepilih besai ke-14 (PRU14).
Komiti Pengawa Bepilih Utara Sarawak Pakatan Harapan madah, tujuh kerusi Parlimen ke deka endur gempung penyakal bediri minta pilih iya nya Bintulu, Hulu Rajang, Sibuti, Miri, Baram, Limbang enggau Lawas enggau tagit menang tiga ari tujuh kerusi nya.
“Kami deka besatup betengali alan enggau Barisan Nasional (BN),” ku penerang nya sehari tu tadi.
Raban komiti iya nya ADUN Pujut ari DAP Dr Ting Tiong Choon, ke nyadi chairman enggau dua sapit iya Thor Danial (Amanah) enggau Dennis Along (PKR).
Semina sitak Parlimen Miri yang aja diatu diempu PKR, penyandang enam kerusi bukai nya ari Barisan Nasional (BN). Sarawak ngembuan 31 kerusi Parlimen. — DayakDaily
