Peranakka puku dalam sektor ngeluar pemakai di Batang Lupar — Rohani

Women, Family and Community Development Minister Datuk Seri Rohani Karim. - Facebook

KUCHING, Okt 21: Kaban Parlimen Batang Lupar, Datuk Seri Rohani Abdul Karim meransang pemeranak pulu beranakka puku dalam sektor ngeluarka pemakai di menua nya.

Sitak Parlimen nya megai tiga sitak Kunsil Nengeri iya nya Sebuyau, Beting Maro enggau Lingga.

Rohari ke mega Menteri Pemansang Orang Indu, Ruang Bilik enggau Raban Bansa madah, ambika chunto Stumbin Lingga ngembuan palan bumai ke besai ti mungkur 3,000 hektar pemesai lalu Sebuyau dikelala ketegal asil ikan terubuk masjn sereta memproses obor-obor enggau madu engkelulut.

“Tebal agi peranak menua nya ngaul diri ba sektor betanam betupi, berikan enggau memproses pemakai. Sitak Parlimen nya sigj bisi potensi ke besai.

“Nya alai aku meransang bala pemeranak puku datai ke Batang Lupar lalu meda kediri empu utai ke bisi ba sektor pemakai din,” ku iya ba pengerami ngelancharka ‘Kembara Batang Lupar’ ditu kemari.


Ba taun 2016, eksport pemakai diproses serata menua manggai 20 billion ti dijual ngagai lebih 20 buah menua.

Ku Rohani, penambah peminta ke produk halal mega meri peluang ngagai kompeni nguna produk menua tu nyadi sebagi ari ekonomj digital.

Ku iya, taja pan sitak Batang Lupar ngembuan potensi ke besai, tang pengawa nya enda puntan ketegal faktor menua nya ti jauh di pesisir sereta kurang infrastruktur nyengkaum ai beresi enggau karan.

Ba taun 2013, perintah udah melanja RM59.3 juta dikena mantu kandang menua pesisir napi penanggul ai beresi. — DayakDaily