PH bisi ngalauka endur ungkup Sarawak, Sabah

Tun Dr Mahathir Mohamad

PETALING JAYA, Mei 13: Menteri Besai Tun Dr Mahathir Mohamad madah, perintah Pakatan Harapan bisi ngalauka endur ungkup Sarawak enggau Sabah.

“Kami ngalauka endur ungkup Sabah enggau Sarawak. Kami mengkang nganti runding sida,” ku iya.

Iya bejaku munyi nya lebuh ditanya media ba aum media pengudah sebengkah aum bekaul enggau numbuhka kabinet di Wisma Yayasan Selangor ditu kemari.

Menteri Besai sebedau nya dekaka bisi kabinet mit ti ngembuan 25 iku ke nyengkaum ari Sabah enggau Sarawak.

Ba pengawa bepilih besai Pakatan Harapan Sarawak menang ba sepuluh kerusi lalu chalun Ngatika Diri menang ba dua kerusi.


Spekulasi sentang kuing BN Sarawak dibantaika pengudah Yang di-Pertua Negeri Tun Pehin Sri Abdul Taib Mahmud betemu Menteri Tun Dr Mahathir Mohamad ensana. — DayakDaily