KUCHING, Nov 29: Perintah Negeri Sarawak dekaka pesereta industri regas ngelatih sereta ngangkatka pengelandik nembiak ba Pelajar Teknikal enggau Latih (TVET).
Kepala Menteri Datuk Patinggi Abang Johari Tun Openg madahka pesereta industri tau ngambi chunto program latih keterubah ti dikemeran di Jerman.
Ku iya, bala pelatih di latih tiga hari ba industri lalu dua hari ba palan latih pengelama 3 taun.
“Ke manah iya nya perintah nyaup melanja ngemansang modal mensia ba tikas ke minimum.
“Pelatih mega nerima elawin ninting bulan.Tanggungpengawa industri besai amat ba pekaea ngemansangka modal mensia,” ku iya.
Iya bejaku munyi tu lebuh bejadi Pengerami Konvokesyen Palan Pemansang Pengelandik Sarawak/ Kolej Antarabangsa Teknologi Lanjutan Sarawak (PPKS/i- CATS) sehari tu tadi.
Ba Pengerami Konvokesyen Ke-20 nya bisi 896 iku nembiak nerima setipikit enggau Diploma. — DayakDaily
