KUCHING, Julai 2: Perintah negeri udah ngaga bemacham polisi enggau undang-undang dikena ngadu sereta ngintu kampung enggau jelu siga nengah chara ke tegap dikena nentuka pengerembai ekonomi setipak enggau prinsip timpuh panjai global, ku Kepala Menteri Datuk Patinggi Abang Johari Tun Openg.
Ku iya, pemansang timpuh panjai nya penyemela entara guna pemansang ekonomi, pemansang sosial, penegap politik sereta ngintu rampa menua.
“Ke tuju nya, Perintah Sarawak udah ngaga Polisi Nguna Tanah dikena ngaduka tanah ngambika ulih nyapai pemansang ke tegap,” ku iya ba pengerami muka Gempuru Ninting Taun Ke-55 Gerempung Biologi Tropika dan Pemuliharaan (ATBC 2018) ditu kemari.
Sama bisi datai Pengarah Eksekutif ATBC Prof Robin Chazlon dan Pengerusi ATBC Dr Ahimsa Campos-Arceiz.
Abang Johari madahka Sarawak semampai ngelaluka kerejasama entarabansa ngaga pansik enggau pengawa ngintu kampung. — DayakDaily
