KUCHING, Jan 25: Perintah Negeri Sarawak sedia ngubah Undang-Undang Tanah Sarawak ke lalu nyadika chara mutar isu Pemakai Menoa enggau Pulau Galau, ku Ketua Menteri Datuk Patinggi Abang Johari Tun Openg.
Taja pia ku iya, definisi Pemakai Menoa enggau Pulau Galau ke bebida nitihka pupu bansa Bumiputera di negeri tu meseti diputarka dulu.
Enti definisi Pemakai Menoa enggau Pulau Galau dipesetuju semua pupu bansa Bumiputera, proses ngubah Undang-Undang Tanah Sarawak deka nyadi mudah agi,” ku iya lebuh bejadi Aum Ketuai Raban Bansa bekaul Pemakai Menoa enggau Pulau Galau ditu kemari.
Sama bisi datai sapit Kepala Menteri Datuk Amar Douglas Uggah Embas, Tan Sri James Jemut Masing enggau Datuk Amar Awang Tengah Ali Hasan.
Bisi 450 iku bala ketuai raban bansa ari komuniti Iban, Melayu, Orang Ulu, Bidayuh enggau Melanau ngulu aum dua hari nya.
Ngenang pasal aum nya, Abang Johari madahka langgur penemu bala ketuai raban bansa di bejalaika pengawa ba renggat nembiak redak dikearap ulih mutarka penanggul Pemakai Menoa enggau Pulau Galau.
“Definisi meseti betul laban undang-undang deka nyadi pelasar ngagai menjadi akim sereta luyar nemu serwta ulih meretika reti nya dalam undang-undang.
“Kot semina meda nya arj sukut undang-undang, enti betul ari sukut undang-undang, nadai peanggul ba sida,” ku iya.
Aum ngiga chara mutarka isu nya diatur raban pengereja pengawa betuaika Uggah nerindik ari pemutus Kot Federal sentang status undang – undang ba Pemakai Menua. — DayakDaily
