KUCHING, Sept 2: Kepala Menteri, Datuk Patinggi Abang Johari Tun Openg, kemari madahka Perintah Sarawak ari baruh pegai Gabungan Parti Sarawak (GPS) diatu fokus deka ngamatka semua danji dalam manifesto maya PRN 2016.
Enggau nya, iya ngelalau media anang mutar belitka isu bekaul enggau pengawa bepilih kunsil negeri (PRN) seraya nyangkal pengawa bepilih kunsil negeri ngenyit deka diatur ba awak ke semak tu.
Abang Johari ke mega Presiden Parti Pesaka Bumiputera Bersatu (PBB) tekenyit ninga tanya pemberita bekaul pekara nya.
“Utai ke didanji rambau pengawa bepilih kunsil negeri suba deka dikeamatka, sereta nadai pengawa beilih ngenyit,” ku iya ba aum media pengudah aum kaunsil besai PBB di indu opis PBB di Jalai Bako ditu kemari.
Penganalisis politik madahka nadai kebuah PRN diatur ba awak ke semak tu, tang PRN disadang diadu ba taun 2021.
Ba PRN ke sebedau tu, GPS menang ba 72 ari 82 kerusi Kunsil Negeri lalu ba pengawa bepilih besai tu tadi udah menang 19 ari 31 kerusi Parlimen. — DayakDaily
