SOP mutarka aktiviti nunu deka dilangkar — Yeoh

Fire and flames. - DayakDaily.com file pic.// Photo: Pixabay

KLANG, Sept 2: Sebengkah prosedur operasi standard (SOP) baru deka dilangkar ba awak ke semak dikea mutarka pengawa nunu nengah chara holistik kelebih agi ba kandang endur tanah kerapa baka di Johan Setia ditu, pia ku Menteri Tenaga, Sains, Teknologi, Rampa Menua enggau Ubah Gaya Hari (MESTECC) Yeoh Bee Yin.

Ku iya, SOP nya dijangka dilangkar dalam timpuh sebulan ke fokus ngagai pelin nyeliah penusah angus kelimpah nentuka chara ke patut dikena ejensi ke bekaul nyema bisi nyadi penusah angus.

“Kitai meseti bisi siti SOP ke ulih dikena nyema nyadi (aktiviti nunu) di serata menua.

“SOP tu meseti nyadi siti chara mitigasi ngurangka risiko bekau ari aktiviti nunu kelebih agi ba kandang tanah kerapa,” ku iya ba aum media pengudah ngulu sesi ‘town hall’ begulai enggau peranak ngelingi kandang Johan Setia bekaul isu nunu enggau penusah sebun asap ditu.

Sama bisi datai Kepala Direktor Opis Rampa Menua, Datuk Dr Ahmad Kamarul Najuib Che Ibrahim enggau Kaban Kunsil Negeri Sungai Kandis, Mohd Zawawi Ahmad Mughni. — DayakDaily