SIBU: Perintah nengeri diansak muka baru Pelagus Resort di Kapit.
Palan ngelantangka ati nya ke beungkus RM6 milion ngembuan 40 iti bilik, nunga Batang, ditutup dalam bulan Januari 2012 ketegal kurang nerima penatai temuai.
Mandal chairman Gerempung Hotel Pelilih Tengah Sarawak Lau Nai Meng madah, palan ngelantangka ati agi ulih matak penatai bala temuai kelebih agi temuai ari menua tasik enti diintu enggau manah.
“Perintah nengeri patut ngawakka sektor peribit ngjntu palan ngelantangka ati nya, laban palan nya siti palan endur nemuai ke manah Kapit.
“Palan nya digaga ba tengah-tengah kampung,” ku iya.
Ku iya baru, palan nya mega ulih nyendiaka aktiviti neresa kampung.
Ku Lau baru, semanjai pejalai ari Sibu ke Kapit Batang Rajang nuju palan nya ulih meda rampa menua ke chukup manah.
