Perintah Besai bebendar deka nikika gaji maksimum ngagai RM1,500 sebulan

Silhouettes of workers on a construction site. — DayakDaily.com file pic. // Photo: Pixabay

PUTRAJAYA, September 14: Perintah Besai bebendar enggau agenda ti udah disemaya dalam manifesto sida, iya nya deka nikika gaji minimum ngagai RM1,500 sebulan dalam timpuh penggal keterubah tauka lima taun, pia ku Menteri Pengatur Pengereja Pengawa, M Kulasegaran.

Ku iya, Pakatan Harapan udah ngamatka semaya ngaduka gaji minimum ke standard di serata menua dalam timpuh 100 hari keterubah sida megai menua, ba penyampau ke ditetap RM1,050 berengkah 1 Jan, 2019.

Ku iya, nengah pemutus nya udah nambahka semina RM50 ngagai pekereja di Semenanjung, ti nyadi pemutus ke mar lalu ukai enggau tuju ngemaruhka pengawa dikereja bala pekereja nya kelebih agi raban B40.

“Tu ukai kepenudi endar kitai ngubah gaji minimum di Malaysia.

“Kami baru megai perintah pengelama empat bulan lalu kami keran deka ngamatka semua semaya  dalam manifesto kami nyengkaum gaji minimum nyerumba timpuh kepenudi kami megai perintah ila,” ku iya ba sebengkah penerang kemari bekaul enggau gaji minimum ungkup sektor peribit. — DayakDaily