‘Kembara Batang Lupar 2017’ ke belabuh kemari disereta 40 iku raban media

Deputy Chief Minister Datuk Amar Douglas Uggah Embas

KUCHING, Okt 20: Seraban 40 iku staf media menua tu nyeretai Kembara Batang Lupar 2017, pengelama tiga hari berengkah kemari.

Sapit Kepala Menteri Sarawak, Datuk Amar Douglas Uggah Embas madah, program nya ulih mantu pesereta silik agi beratika sentang adat enggau main asal, chara pengidup enggau infrastruktur ti diasaika peranak menua kelebih agi di Parlimen Batang Lupar.

“Program ulih mandangka silik agi gaya pengidup ti diasai peranak menua tu asil pemansang ti digaga Barisan Nasional,” ku iya.

Iya bejaku munyi nya ba aum media sebedau ngelancharka program nya.

Sama bisi kemari Menteri Pemansang Orang Indu, Ruang Bilik enggau Raban Bansa, Datuk Seri Rohani Abdul Karim.


Progam ti keterubah endar tu diatur opis menteri nya nengah kerejasama Parlimen Batang Lupar mungkur 10 buah entukar bala pemberita enggau jurugambar ari Kuala Lumpur enggau Sarawak.

Aktiviti ke bisi dipejalaika maya program nya nyengkaum meda industri ekonomi Parlimen Batang Lupar baka memproses obor-obor enggau madu engkelulut sereta bemalam di rumah panjai.

Peserta mega nyeretai gotong-royong enggau mantu mensia mayuh sekumbang program nya. — DayakDaily