Penyuah nemuai ke Sabah, Sarawak meri pengelebih ngagai Najib

Datuk Seri Najib Tun Razak

KUALA LUMPUR, Mei 1: Menteri Besai Datuk Seri Najib Tun Razak madahka Chairman Pakatan Harapan Tun Dr Mahathir Mohamad nadai komitmen ngagai negeri Sabah.

Dibanding enggau Tun Mahathir, iya suah agi nemuai ke Sabah.

Ku iya, ex-Menteri Besai nya mega nadai perambu baka iya ungkup Sabah sekumbang ke 22 taun nyadi pemerintah.
Najib suah nemuai ke Sabah enggau Sarawak pengudah iya nyadi Menteri ba taun 2009. Iya udah 61kali nemuai ke Sarawak ti mungkur 163 kandang endur nyengkaum di menua pesisir.

“Dalam semilan taun aku nyadi Menteri Besai, aku udah suah agi nemuai ke Sabah, suah agi ari Mahathir sekumbang iya 22 taun nyadi PM,” ku iya madah nengah Facebook rasmi iya.

Kemari Najib udah nemuai ke Sandakan.


Menteri Besai nya mega madah, inisiatif ti dipejalaika perintah endang betuju ngerapitka seraka entara Sabah enggau Semenanjung.

“Aku mantaika bemacham inisiatif enggau ungkup belanja laban nya komitmen aku dikena ngedut pemansang entara Sabah enggau Semenanjung,” ku iya. — DayakDaily