IPOH, Ogos 5: Perintah dijangka netapka penyampau peniki gaji minimum ungkup renggat tumu maya ba aum kabinet Hari Lima tu ila, ku Menteri Pengatur Pengereja Pengawa, M. Kula Segaran.
Ku iya, naka ke diatu penyampau nya empai diputuska tang oenyampau nya deka disebaka entara pekereja di Semenanjung, Sabah enggau Sarawak.
“Ngarapka bisi berita manah ila,” ku iya madah ngagai pemberita pengudah nyuaka selepas kerusi roda kengagai 20 penerima di Kampung Tawas enggau Kampung Kepayang, ditu kemari.
Ku iya, naka ke diatu gaji minimum pekereja di Sabah enggau Sarawak urung RM800 enggau RM920 lalu di Semenanjung RM1,000 sebulan.
Kula Segaran ke mega Kaban Parlimen Ipoh Barat madah, peniki penyampau gaji minumum ngagai RM1,500 nya deka dipejalaika berenggat dalam timpuh lima taun ngambika emda nating pengaji. — DayakDaily
